«Men 5 karra EChL chempioniman»: Ronaldu «Al-Ahli» muxlislarining provokatsiyasiga javob qaytardi (Video)

Saudiya Arabistoni chempionati doirasida kechgan «An-Nasr» va «Al-Ahli» jamoalari o'rtasidagi uchrashuv mehmonlarning 2:0 hisobidagi g'alabasi bilan yakunlandi. Biroq Jidda klubi muxlislari mag'lubiyatdan so'ng Krishtianu Ronalduga nisbatan o'zgacha «argument»lar bilan hujum qilishdi.

Stadionga yig'ilgan muxlislar portugaliyalik yulduzga turli ishoralar orqali «Al-Ahli» ikki bor Osiyo Chempionlar ligasida g'olib chiqqanini ko'rsatishdi. Ma'lumot o'rnida, Jidda jamoasi haqiqatan ham 2025 va 2026 yillarda Osiyoning eng nufuzli klublar turnirida zafar quchgan.

O'yindan so'ng intervyu berayotib, «An-Nasr» sardori raqib muxlislarining bu provokatsiyasini javobsiz qoldirmadi. Ronaldu qo'llari bilan «besh» sonini ko'rsatib, o'zining faoliyati davomida besh marta Evropa Chempionlar ligasida g'olib chiqqaniga ishora qildi.

«Men besh marta Chempionlar ligasida g'olib bo'lganman», — deya takrorlagan Ronalduning so'zlari videokameralar ob'ektiviga muhrlangan.

Eslatib o'tamiz, Krishtianu ushbu nufuzli sovrinni bir bor «Manchester Yunayted», to'rt bor esa «Real Madrid» safida qo'lga kiritgan.

Cristiano Ronaldo: “I have five Champions Leagues”. ???????????????????????????? pic.twitter.com/G5ARihr3VJ