Dyokeresh: «Atletiko» golga loyiq edi»

Londonning «Arsenal» klubi hujumchisi Viktor Dyokeresh Chempionlar ligasi yarim finali doirasida «Atletiko»ga qarshi kechgan birinchi o'yindan (1:1) so'ng o'z taassurotlarini bildirdi.

«Birinchi bo'limda o'yinni ancha yaxshi nazorat qildik va bir nechta xavfli vaziyatlar yaratdik. Ularning birini golga aylantirishga muvaffaq bo'ldik. Biroq ikkinchi bo'limda «Atletiko» ancha faolroq o'yin ko'rsatishni boshladi va yakunda, balki, golga loyiq edi.

O'yin so'nggida bizda ham bir-ikkita yaxshi imkoniyatlar yuzaga keldi. Umuman olganda, juda og'ir bahs bo'ldi. Madridga safar qilish va bu erda o'ynash doim qiyin. Lekin shuni unutmaslik kerakki, bu qarama-qarshilikning faqatgina birinchi yarmi edi», — deya Dyokereshning so'zlarini keltirmoqda TNT Sports.