Yan Oblak: «Londondagi 0:4 hisobidagi mag'lubiyatni unutamiz, oldinda boshqa o'yin kutmoqda»

Madridning «Atletiko» klubi darvozaboni Yan Oblak Chempionlar ligasi yarim finali doirasidagi «Arsenal»ga qarshi kechgan ilk uchrashuvdan (1:1) so'ng o'z taassurotlari bilan o'rtoqlashdi.

«Bu har ikki jamoa uchun juda keskin bahs bo'ldi. Ikkala tomon ham g'alaba qozonishni istagandi. O'ylaymanki, biz yaxshi o'yin ko'rsatdik. Hisob 1:1 va endi hammasi kelasi hafta Londonda hal bo'ladi. Biz u erda avvalroq qabul qilib olingan 0:4 hisobidagi mag'lubiyat haqida o'ylamaymiz. Ishonamanki, bu gal mutlaqo boshqacha o'yin bo'ladi. Yaxshi natija qayd etish va finalga chiqish uchun bor kuchimizni ishga solamiz.

Hozircha sovrin haqida o'ylayotganimiz yo'q — avvalo javob bahsida munosib ishtirok etishimiz kerak. «Arsenal» ham EChLda zafar quchishni istaydi. Bizning vazifamiz esa avval ularning to'sig'idan o'tishdir», — deya Oblakning so'zlarini keltirmoqda TNT Sports.