«Barselona» Kanseluni olib qolish uchun o'z futbolchisini qurbon qilishga tayyor

«Barselona» safida ijara asosida to'p surayotgan «Al-Hilol» himoyachisi Joau Kanseluning kelajagi noma'lumligicha qolmoqda. Kataloniya grandi portugaliyalik futbolchini o'z safida saqlab qolish niyatida va bu borada amaliy ishlarni boshlab yuborgan.

Sport nashrining xabar berishicha, klub rahbariyati ijara muddatini uzaytirish yoki yarim himoyachi Mark Kasadoni transferga qo'shgan holda to'liq sotib olish variantlarini ko'rib chiqmoqda. Biroq jurnalist Gabriel Sansning ta'kidlashicha, Saudiya Arabistoni klubi Kanseluning ketishiga unchalik xayrixoh emas va muzokaralarda qiyinchiliklar tug'dirmoqda.

Vaziyatning qanday yakunlanishi ko'p jihatdan futbolchining agenti Jorje Mendeshga bog'liq bo'lib turibdi.

Ma'lumot o'rnida, 31 yoshli futbolchining bozor qiymati Transfermarkt portali tomonidan 9 million evroga baholangan.