Lorente «Atletiko» javob o'yinida qanday g'alaba qozonishi mumkinligini aytdi

Chorshanba kuni Chempionlar ligasi yarim finali doirasida Madridning «Atletiko» va Londonning «Arsenal» jamoalari o'rtasidagi dastlabki uchrashuv (1:1) bo'lib o'tdi.

Birinchi bo'lim yakunida Viktor Dyokeresh penaltini aniq amalga oshirgan bo'lsa, 56-daqiqada Xulian Alvares ham xuddi shunday javob qaytardi.

Final hushtagi chalinganidan so'ng, «matraschilar» futbolchisi Markos Lorente 5 may kuni Londonda bo'lib o'tadigan javob uchrashuvi haqidagi fikrlari bilan o'rtoqlashdi.

«Biz ikkinchi bo'limda o'yinimizni kuchaytirdik — keyingi bahsda aynan shundan kelib chiqib harakat qilishimiz kerak. Londonda biz shiddatliroq o'ynashimiz va raqib maydonining uchinchi qismida iloji boricha ko'proq «birga-bir» vaziyatlarni yuzaga keltirishimiz lozim — bu bizga o'yinda qolish imkonini beradi», — deya Lorentening so'zlarini keltiradi UEFA.

Ushbu qarama-qarshilik g'olibi finalda «PSJ» yoki «Bavariya» bilan to'qnash keladi.