EChL yarim final ilk o'yinlaridan so'ng favoritlar o'zgardi: «Arsenal» hali ham etakchi

Chempionlar ligasining dastlabki yarim final uchrashuvlari bo'lib o'tdi.

Seshanba kuni «PSJ» o'z maydonida «Bavariya»dan ustun keldi (5:4), chorshanba kuni esa «Atletiko» va «Arsenal» Madriddagi bahsda g'olibni aniqlay olishmadi (1:1).

Opta superkompyuterining yangilangan hisob-kitoblariga ko'ra, joriy vaziyatda «Arsenal» turnir favoriti bo'lib qolmoqda — ularning g'alaba qozonish imkoniyati 39% ga baholanmoqda. Ikkinchi o'rinni qariyb 31% ko'rsatkich bilan «PSJ» egallab turgan bo'lsa, uchinchi pog'onada «Bavariya» (22%) qayd etilgan. Ayni damda sovrinni qo'lga kiritish uchun eng kam imkoniyat «Atletiko»da — 8% dan kam.

Javob uchrashuvlari 5 va 6 may kunlari mos ravishda London va Myunxenda bo'lib o'tadi. Final bahsi 30 may kuni Budapeshtda o'tkaziladi. Turnirning amaldagi g'olibi — «PSJ».