Romano: Levandovski masalasi «Milan» rahbariyatida ixtilof keltirib chiqardi

Mashhur italiyalik futbol agenti Fabritsio Romanoning hisoblashicha, Robert Levandovski masalasi hozirda «Milan» rahbariyatini ikkiga bo'lib qo'ygan — qaror qabul qiluvchilarning bir qismi jamoaga polshalik hujumchi kerak deb hisoblasa, boshqa bir qismi bunga shubha bilan qaramoqda.

«Levandovski masalasi «Milan»ni ichki tomondan bir oz bo'lib turibdi, chunki bu muayyan xarajatlar bilan bog'liq, bundan tashqari, futbolchining yoshi ham biroz xavotir uyg'otmoqda. «Yuventus» ham vaziyatni kuzatib boryapti, biroq hozircha klublarning hech biri Robertga aniq taklif bilan chiqqani yo'q», — deya Romanoning so'zlarini keltiradi pianetamilan.it sayti.

Eslatib o'tamiz, Levandovski ayni damda «Barselona» sharafini himoya qilmoqda, biroq yozda katta ehtimol bilan klubni tark etadi.