Saka «Atletiko» bilan durang haqida: «Bizda aralash tuyg'ular bor»

Londonning «Arsenal» klubi vingeri Bukayo Saka Madridning «Atletiko» jamoasiga qarshi bo'lib o'tgan Chempionlar ligasi birinchi yarim final uchrashuvi (1:1) natijasi haqida fikr bildirdi.

«Kanonirlar» 44-daqiqada Viktor Dyokeresh tomonidan kiritilgan gol evaziga hisobda oldinga chiqib olishgandi, biroq ikkinchi bo'lim boshida gol o'tkazib yuborishdi. Qolgan vaqt davomida tomoshabinlar boshqa gol ko'rishmadi.

«Bizda aralash tuyg'ular: g'alaba bilan qaytishni istagandik, ammo durangni ham qabul qilamiz. Bu hali birinchi o'yin, «Emireyts»dagi javob bahsi oldidan o'zimizga ishonamiz. Durang — yomon natija emas, lekin g'alaba qozonmasak, hech qachon to'liq qoniqish hosil qilmaymiz, chunki bizda juda kuchli jamoa bor. Keyingi haftada g'alaba qozonishga harakat qilamiz», — deya ingliz OAVlari Sakaning so'zlaridan iqtibos keltirmoqda.

Javob uchrashuvi 5 may kuni bo'lib o'tadi.