Alvares Chempionlar ligasida 25 ta golga eng tez erishish bo'yicha Messini ortda qoldirdi

Madridning «Atletiko» klubi hujumchisi Xulian Alvares Chempionlar ligasi tarixida 25 ta golga eng tez etishgan janubiy amerikalik futbolchiga aylandi. Opta Sports ma'lumotiga ko'ra, u bu natijani 41 ta o'yinda qayd etdi.

Shu tariqa Alvares «Inter Mayami» hujumchisi Lionel Messini ortda qoldirdi. Argentinalik yulduz mazkur ko'rsatkichga 42 ta uchrashuvda erishgan edi.

Chempionlar ligasi yarim finali birinchi o'yinida «Arsenal»ga qarshi bahsda Alvares penaltini aniq bajarib, hisobni tenglashtirdi.

Jamoalar o'rtasidagi javob uchrashuvi 5 may kuni Londondagi «Emireyts» stadionida bo'lib o'tadi.