Slot: «Hakamlar doim bizga qarshi qaror chiqarishmoqda, bu yangilik emas»

«Liverpul» bosh murabbiyi Arne Slot Chempionlar ligasi chorak finalida «PSJ»dan uchralgan mag'lubiyatdan so'ng hakamlik haqidagi savolga javob berdi.

Mersisaydliklar o'z maydonida 0:2 hisobida imkoniyatni boy berib, turnirni tark etishdi. Ikki o'yin natijasiga ko'ra parijliklar 4:0 hisobida g'alaba qozonishdi.

Jurnalistlar niderlandiyalik mutaxassisdan «PSJ» darvozasiga belgilanib, keyinchalik bekor qilingan penalti haqida so'rashdi: javob uchrashuvining 65-daqiqasida hakam nuqtani ko'rsatgan edi, biroq videotakrorni ko'rgach, o'z qarorini o'zgartirdi. Oradan ko'p o'tmay, Usmon Dembele hisobni ochdi, o'yin so'nggida esa yana bir bor gol urib, yakuniy natijani belgiladi.

«Bu mavsumda hakamlarning qarorlari doimiy ravishda bizning zararimizga qabul qilinmoqda. Bu men uchun kutilmagan holat emas», – dedi Slot.

Ko'plab mish-mishlarga ko'ra, allaqachon shu yozda «Liverpul»da murabbiy almashishi mumkin.