«Atletiko» darvozaboni: «Pubilning qo'li bilan o'ynagani hech narsani o'zgartirmaydi»

«Atletiko» darvozaboni Xuan Musso Chempionlar ligasi 1/4 finalidan o'rin olgan «Barselona» va «Atletiko» (0:2) o'rtasidagi dastlabki bahsda himoyachi Mark Pubil jarima maydonchasi ichida to'pni qo'li bilan ushlagan vaziyat haqida gapirdi.

O'sha vaziyatda Musso to'pni jamoadoshiga uzatgan edi. Bosh hakam Ishtvan Kovach esa bu holatga e'tibor qaratmadi.

«Agar biz o'yin natijasini faqat shu birgina vaziyatga asoslanib xulosa qilmoqchi bo'lsak... Keling, o'yin haqida gaplashaylik. Raqib juda yaxshi o'yin o'tkazdi. Ular — ajoyib jamoa va bizni yanada kuchli bo'lishga majbur qilishadi. Pubilning qo'li bilan o'ynagani hech narsani o'zgartirmaydi.

Agar Pubil bosim ostida bo'lganida bu vaziyatdan foydalanib qolishga harakat qilganida, buni boshqacha talqin qilish mumkin edi, lekin bu erda unday bo'lmadi. To'p o'yinda emas edi. Qarorni esa hakam qabul qiladi», — dedi Xuan Musso.