"Monako" murabbiyi: "Biz o'zimizga ishonishimiz kerak, aks holda "PSJ" bilan o'ynashdan ma'no yo'q"

"Monako" bosh murabbiyi Sebasten Pokonoli UEFA Chempionlar ligasi pley-off bosqichi doirasidagi "Pari Sen-Jermen"ga qarshi bo'lib o'tadigan dastlabki o'tish o'yini haqida fikr bildirdi.

"Magnes [Akliush]ning uchrashuvdagi ishtiroki so'roq ostida. U dushanba kuni tibbiy ko'rikdan o'tishi kerak, seshanba kuni ertalab esa bizda yana bir mashg'ulot bor. Lamin [Kamara]ning holati ham noma'lum. Ansu [Fati] ham ko'rikdan o'tishi lozim, shunday qilib, bizda potentsial ravishda uch nafar futbolchining ishtiroki shubha ostida turibdi.

Biz o'zimizga ishonishimiz kerak, aks holda bu o'yinni o'tkazishdan ma'no yo'q. O'ylaymanki, futbolchilar ajoyib o'yin ko'rsatishga va javob uchrashuvi oldidan o'zlariga imkoniyat qoldirishga qat'iy qaror qilishgan", — deya Pokonolining so'zlarini keltiradi UEFA rasmiy sayti.