Nevill Bellingem transferiga to'xtalib o'tdi

"Manchester Yunayted"ning sobiq futbolchisi Gari Nevill "Real"ga yangi kelgan Jud Bellingem haqida o'z fikrlari bilan o'rtoqlashdi.

"Bellingem - yozning eng yaxshi transferlaridan biri. Agar u shunday davom etsa, tarixdagi eng buyuk ingliz futbolchisiga aylanishi mumkin. Jud juda katta iste'dodga ega. U texnik va doimo harakatda. Bellingem ajoyib futbol intellektiga ega, lekin birinchi navbatda uning mehnatsevarligini ta'kidlamoqchiman", - deya Nevilning so'zlarini keltiradi Marca gazetasi.

20 yoshli ingliz futbolchisi Dortmundning "Borussiya" klubidan "Real"ga o'tgan edi. La Ligada Jud oltita o'yin o'tkazib, beshta gol va bitta golli uzatmani amalga oshirdi.