"Liverpul" Vlaxovich uchun "Yuventus" istagan pulni bermoqchi

Turinning "Yuventus" klubi hujumchisi Dushan Vlaxovich "Liverpul"ning jiddiy qiziqishiga sabab bo'lgan, deya xabar berdi Sky Sports.

Manbaga ko'ra, ingliz klubi 22 yoshli serb uchun "Yuve" istagan summani bermoqchi. Shuningdek, himoyachi Ibraxima Konateni ham transferga qo'shishga tayyor.

Serbiyalik forvard joriy mavsum jami 19 ta o'yinda 9 ta gol urib, 3 ta golli uzatma berdi. Transfermarkt hozirda uni 80 million evroga baholagan. "Keksa Sinora" o'tgan mavsum qishda Vlaxovich uchun "Fiorentina"ga 81 million to'lagan.