"Yuventus" hujumchisi Kenan Yildiz yaqin kelajakda sotilmaydi.

Angliya Premer-ligasining ikki klubi 20 yoshli futbolchi uchun katta summa taklif qilishga tayyor edi, ammo "keksa sinora" rahbariyati istiqbolli turk sotilmasligini ma'lum qildi, deya xabar beradi insayder Fabritsio Romano. Yosh hujumchi loyihaning asosiy figurasi hisoblanadi, u bilan yangi shartnoma bo'yicha muzokaralar olib borilmoqda, bu haqda avvalroq boshqa manbalar xabar bergan edi.

Mish-mishlarga ishonadigan bo'lsak, Kenan Yildizga da'vogarlardan biri "Chelsi" edi. Porlayotgan yulduzning Transfermarkt saytidagi narxi - 50 mln evro. Futbolchining "Yuventus" bilan amaldagi shartnomasi 2029 yilga qadar imzolangan.