Bundesliganing yangi mavsumi starti yaqin va hujumchi Nik Voltemade kelajagi bilan bog'liq vaziyatga tezroq oydinlik kiritishni istamoqda. Germaniyaning Sport nashri xabariga ko'ra, 23 yoshli Voltemade "Bavariya"ga shart qo'ygan - futbolchi agar myunxenliklar uni o'z safiga qo'shib olmoqchi bo'lsa, hafta oxirigacha transfer tashabbusi bilan chiqishini istamoqda.

Agar "Bavariya" yaqin kunlarda hech qanday chora ko'rmasa, u holda Voltemade e'tiborini mavsumni "Shtutgart"da o'tkazishga qaratadi. Bunday holda, hujumchi keyingi safar kelasi yozda o'z kelajagi haqida o'ylaydi.

Nufuzli Transfermarkt portali Nik Voltemadeni 30 million evroga baholamoqda.