30 yoshli hujumchi Karlos Vinisius rasman "Gremio" futbolchisiga aylandi. Bu haqda Portu-Alegri klubi matbuot xizmati xabar berdi.

Tajribali hujumchi Angliyaning "Fulxem" klubi bilan shartnomasini bekor qilganidan so'ng jamoaga erkin agent sifatida o'tdi. "Gremio" bilan kelishuv 2026 yil oxirigacha mo'ljallangan.

Vinisius evropalik muxlisga yaxshi tanish: u faoliyati davomida "Monako", "Napoli", PSV, "Tottenxem", "Benfika" va "Galatasaroy" klublarida o'ynashga ulgurgan. Endi braziliyalik futbolchi mamlakatning etakchi klublaridan birining hujum chizig'ini kuchaytirish uchun o'z chempionatiga qaytmoqda.