Portugaliyaning "Sporting" klubi forvardi Viktor Dyokeresh faoliyatini Angliya Premer-ligasida davom ettirmoqchi, uning xizmatlariga Londonning "Arsenal" klubi qiziqish bildirmoqda.

"APL - eng yaxshi futbol chempionatlaridan biri. Men u erda bir necha yil bo'ldim, lekin birorta ham o'yin o'tkazmadim. Shuning uchun qaytishni istardim. Bu o'ch olishning ajoyib shakli bo'ladi," - deya skandinaviyalik to'purarning so'zlarini keltiradi Lequipe.

27 yoshli shvetsiyalik futbolchi "Sporting" bilan 2028 yilning yarmigacha shartnoma majburiyatlariga ega. Transfermarkt portali forvardning bozor narxini 75 million evroga baholamoqda.