"Shtutgart" sport direktori Fabian Volgemut "Bavariya"ning hujumchi Nik Voltemadega qiziqishi haqidagi savolga javob berdi.

Myunxen grandi 23 yoshli futbolchini asosiy transfer maqsadlaridan biri sifatida belgilagan, ammo "shvablar" bilan kelisha olmagan.

- Yangilik yo'q. Katta ehtimol bilan Nik yangi mavsumda jamoamiz tarkibida bo'ladi - biz buni aniq va ravshan aytdik. Bizning vazifamiz - bo'lajak mavsumni iloji boricha yaxshiroq boshlash uchun hamma narsani qilish. Nikning ketishi masalasi hozirgi sharoitda shunchaki dolzarb emas," - dedi Volgemut Sky Sport nashriga bergan intervyusida.

"Bavariya" Voltamade uchun 50 mln evrodan ko'proq taklif qildi, bu esa "Shtutgart"ni qoniqtirmadi. Forvardning Transfermarkt saytidagi narxi - 30 mln evro.