"Manchester Yunayted" bosh murabbiyi Ruben Amorim yarim himoyachi Kobbi Maynu haqida qanday fikrda ekanini aytdi.

"Maynu yarim himoyada ikkala pozitsiyada ham o'ynashga qodir. O'tgan mavsumda u ko'proq oldinda o'ynadi. U iloji boricha tez-tez to'p bilan aloqada bo'lishi kerak. U juda iste'dodli deb o'ylayman, lekin siz buni mendan yaxshiroq bilasiz. Menimcha, u ritm, temp nuqtai nazaridan yaxshilanishi kerak. Kobbi juda yaxshi futbolchi, lekin u undan ham yaxshiroq bo'lishi mumkin. Uning uchun katta rejalarim bor, ammo jamoada juda jiddiy raqobat bor," - deya Amorimning so'zlarini keltiradi UtdDistrict.

Kobbi Maynu "Yunayted" safida 72 ta o'yinda 7 ta gol va 2 ta golli uzatmani amalga oshirgan.