Londonning "Chelsi" klubi futbolchisi Ris Jeyms yana jarohat oldi. "Ko'klar" sardori "PSJ" bilan klublar o'rtasidagi jahon chempionati finalida asosiy tarkibda maydonga tushdi, ammo o'yinni oxirigacha davom ettira olmadi. 77-daqiqada angliyalik futbolchi jarohat tufayli zaxiraga olinishga majbur bo'ldi va uning o'rnini Kirnan Dyusberi-Xoll egalladi. Bu vaqtda tabloda "Chelsi" foydasiga 3:0 hisobi qayd etilayotgan edi.

Entso Mareska jamoasi birinchi bo'limda dubl qayd etgan Koul Palmer va yangi o'yinchi Joao Pedro sa'y-harakatlari bilan uchta gol urdi.

Ris Jeyms klublar o'rtasidagi jahon chempionatining joriy mavsumida "Chelsi"ning beshta o'yinida qatnashib, bitta gol urishga muvaffaq bo'ldi.