Ibraima Konate transfer oynasi oxirida "Liverpul"dan "Real"ga o'tishi mumkin.

Frantsiya terma jamoasining 26 yoshli markaziy himoyachisi bilan shartnoma 2026 yilning yozigacha mo'ljallangan. "Liverpul" erkin agent sifatida "Madrid"ga o'tgan Trent Aleksandr-Arnoldning stsenariysi takrorlanishidan xavfsiramoqda.

Avvalroq, "qizillar" yozgi transferlar oynasining so'nggi kunlarida "Real" Konate transferi bo'yicha taklif bilan chiqishini istisno qilmayotgani oydinlashgandi.

"Qaymoqranglilar" Ibraima uchun 20-25 million evrodan ortiq taklif qilmoqchi emas, chunki frantsuzning kelishuvi muddati qisqa. "Liverpul" esa 50 mln xohlamoqda.

Konate o'tgan mavsumda APLning 31 ta o'yinida 1 ta gol urdi, 2 ta golga assistentlik qildi va 5 ta sariq kartochka oldi.