Chorshanba kuni "Real" himoyachi Lukas Vaskes jamoani tark etishini e'lon qildi. Bu borada Madrid klubi prezidenti Florentino Peres o'z fikrlarini bildirdi.

"Lukas Vaskes - "Real" qadriyatlarining yorqin vakili, shu tufayli u muxlislarimizning eng sevimli o'yinchilaridan biriga aylandi. Ushbu libosda Vaskes muvaffaqiyat uchun zarur bo'lgan mehnatsevarlik, qat'iyatlilik, kamtarlik va g'oliblik ruhini ifodalaydi. U "Real"ning barcha muxlislari muhabbati va e'tirofiga sazovor bo'lgan futbolchi. "Real" uning uyi bo'lgan va shunday bo'lib qoladi," - deya Peresning so'zlarini keltiradi "Real" sayti.

Lukas Vaskes "Real" futbolchisi sifatida 23 ta chempionlikni qo'lga kiritgan.