Madridning "Real" klubi markaziy himoyachisi Eder Militao yangi mavsum starti oldidan jamoaning tayyorgarligiga baho berdi.

Seshanba kuni "qaymoqranglilar" Avstriyaning "Tirol" klubi bilan o'rtoqlik uchrashuvida yirik hisobda g'alaba qozondi (4:0) - bu rasmiy o'yinlar oldidan so'nggi nazorat o'yini. Eslatib o'tamiz, 19 avgust kuni madridliklar La Liga yangi o'yinining 1-turida "Osasuna"ga qarshi bahs olib boradi.

"Mavsumoldi jarayonlari oson kechmadi, ammo biz chempionat startiga tayyormiz. Jamoa o'yinga yaxshi formada etib boradi. Biz o'zimizga ishonamiz va butun diqqat-e'tiborimizni jamlaganmiz. Oldinda uzoq mavsum bor va biz bunga tayyormiz," - deya og'ir jarohatdan so'ng safga qaytgan Militaoning so'zlarini keltiradi Madrid Zone.