PSV A Seriya forvardi bilan hujum chizig'ini kuchaytirishga yaqin turibdi. Niderlandiya klubi "Parma" vingeri Dennis Man bilan shartnoma imzolamoqchi. Bu haqda insayder Fabritsio Romano xabar bermoqda.

Manbaga ko'ra, klublar kelishuv tafsilotlari bo'yicha kelishuvga erishgan. Man bonuslarsiz 8,5 mln evro evaziga PSVga o'tadi. Futbolchi 2029 yilgacha bo'lgan muddatga mehnat shartnomasi tuzadi.

O'tgan mavsumda Ruminiya terma jamoasi futbolchisi "Parma" safida 34 ta o'yinda maydonga tushib, 4 ta gol urgan va 5 ta golli uzatmani amalga oshirgan. Transfermarkt ma'lumotlariga ko'ra, Manning narxi - 10 mln evro.