"RB Leyptsig" markaziy hujumchisi Binyamin Sheshko Angliyaning "Nyukasl" klubiga o'tishi mumkin.

Jurnalist Sebasten Vidalning ta'kidlashicha, "RB Leyptsig" "Nyukasl"ning Sheshko bo'yicha birinchi taklifini rad etganidan so'ng, "qarg'alar" yangi taklif - qat'iy belgilangan 75 million evro va 5-10 million bonus yuborishgan. Ta'kidlanishicha, tomonlar muzokaralarni davom ettirmoqda. Shu bilan birga, Sheshko vakili bitimni yakunlash uchun barcha sa'y-harakatlarni amalga oshirmoqda.

O'tgan mavsumda 22 yoshli Sheshko barcha turnirlarni qo'shib hisoblaganda 45 ta uchrashuvda qatnashib, 21 ta gol urdi va 6 ta golli uzatma muallifiga aylandi.