Foot Mercato nashri tarqatgan xabarga ko'ra "Nitstsa" "Kristal Pelas" hujumchisi Odson Eduarni o'z safiga qo'shib olish uchun qadam tashlamoqchi.

2021 yilda "Seltik"dan "Kristal Pelas"ga qo'shilgan hujumchi Liga 1 bilan yaxshi tanish, chunki u "Tuluza"da ijara asosida professional debyut qilishdan oldin "Pari Sen-Jermen" akademiyasidan o'tgan.

O'tgan mavsumda u "Lester"da ijara asosida o'ynagan, ammo bu yozda frantsuz "Pelas"ni butunlay tark etadiganga o'xshaydi. U Liga 1ga qaytishni maqsad qilgani uchun "Jirona" taklifini allaqachon rad etgan.

Qo'shimcha qilamizki, 2024/25 yilgi mavsumda Eduar "Lester" safida barcha musobaqalarda atigi 6 ta o'yinda maydonga tushdi.