"Sporting"ning shvetsiyalik hujumchisi Viktor Dyokeresh Londonning "Arsenal" klubiga o'tishini rasman yakunlash arafasida. Bu haqda insayder Fabritsio Romano X ijtimoiy tarmog'ida xabar berdi.

Manbaga ko'ra, "Arsenal" va "Sporting" advokatlar bilan shvetsiyalik forvardning kelishuvining barcha tafsilotlari, jumladan, jami 10 million evroga aniq qo'shimchalar bo'yicha hujjatlarni tekshirmoqda. Qayd etilishicha, rasmiy transferdan so'ng darhol tibbiy ko'rik tayinlanadi. Transfer borasida hech qanday muammo yo'qligi, og'zaki kelishuvga 100 foizlik erishilgani aytilmoqda.

Oldinroq Romano shartnoma summasi bonuslarsiz 63,5 million evro bo'lishini aytgan edi.

O'tgan mavsumda "Sporting" hujumchisi barcha turnirlarda 52ta o'yin o'tkazib, 54ta gol urgan va 13ta golga assistentlik qilgan. Futbolchining klub bilan shartnomasi 2028 yilning yoziga qadar tuzilgan va uning bozor qiymati, Transfermarkt ma'lumotlariga ko'ra, 75 million evroni tashkil qiladi.