"Brayton"ning chap qanot himoyachisi Pervis Estupinyan faoliyatini "Milan"da davom ettiradi.

Klublar o'rtasida transferning barcha shartlari bo'yicha kelishuvga erishilgan. Sky Sport Italia ma'lumotlariga ko'ra, bitim qiymati - 19 mln evro, shundan 2 mln - bonuslar. Tomonlar hujjatlarni rasmiylashtirishni yakunlashmoqda. Chorshanba kuni 27 yoshli futbolchi Italiyaga uchib keladi, u erda tibbiy ko'rikdan o'tadi va "rossonerilar" bilan shartnoma imzolaydi.

Pervis Estupinyan "Milan"da joriy oyda Saudiya Arabistonining "Al-Hilol" klubiga 25 mln evroga sotilgan Teo Ernandesning o'rnini egallaydi.