“Real” hujumchisi Kilian Mbappe klub tarixidagi rekordchiga aylandi.

Frantsiyalik futbolchi yaqinda klublar o'rtasidagi jahon chempionatining chorak finalida Dortmundning “Borussiya”siga qarshi o'yinda (3:2) gol urdi. Madrid Xtra qayd etganidek, Mbappe "Los Blankos" tarixida bir mavsumda etti xil turnirda jamoa uchun gol urgan birinchi futbolchidir.

Yulduz forvard avvalroq La Liga, Chempionlar Ligasi, Ispaniya kubogi, Evropa Superkubogi, Ispaniya Superkubogi va Qit'alararo kubokdagi “Real Madrid” raqiblari darvozasiga gol urgan.

Kilian Mbappe o'tgan yozda "PSJ"dan "Real"ga o'tgan edi. 26 yoshli futbolchi Madrid klubi safida barcha turnirlarda 58 ta o'yinda maydonga tushib, 44 ta gol urgan.