"Inter Mayami" jamoasi bosh murabbiyi Xaver Maskerano Madridning "Atletiko" klubidan sotib olingan argentinalik yarim himoyachi Rodrigo de Paul bilan bog'liq vaziyatga izoh berdi. Futbolchi hali o'ynashga tayyor emas, chunki u hali ishchi viza olmagan.

"De Paul hozircha biz bilan mashg'ulot o'tkazmayapti - u individual tarzda ishlayapti. U hujjatlarni rasmiylashtirgach, jamoaviy mashg'ulotlarga qo'shiladi," - dedi Maskerano jurnalistlarga.

"Inter Mayami"ning navbatdagi o'yini bizning vaqti bilan payshanba tongida bo'lib o'tadi. Xaver Maskerano jamoasi Ligalar kubogi doirasida Meksikaning "Atlas" klubiga qarshi bahs olib boradi.