Jeyms Makati Bundesliga klubiga emas, "Nottingem Forest"ga o'tishga qaror qildi.

Florian Plettenbergning ma'lum qilishicha, "Manchester Siti"ning 22 yoshli yarim himoyachisi "Nottingem"da o'ynashga qaror qilgan, garchi unga Germaniyaning top-klublari - "Borussiya" Dortmund, "Ayntraxt" va "RB Leyptsig" qiziqish bildirayotgan bo'lsa-da.

"O'rmonchilar" va Jeyms allaqachon uzoq muddatli shartnoma shartlarini to'liq kelishib olishgan. "Siti" bilan muzokaralar ketmoqda. "Nottingem" va futbolchining vakillari tez orada tomonlar kelishib olishiga ishonmoqda.

Avvalroq, "shaharliklar" inglizni "Nottingem Forest"ga 20+ mln funtga sotishi mumkinligi haqida xabarlar tarqalgan edi.

Makeyti o'tgan mavsumda APLda 15 ta o'yinda maydonga tushib, 3 ta gol urgan va 1 ta sariq kartochka olgan. U har bir o'yinda o'rtacha 22 daqiqadan harakat qilgan.