"Manchester Yunayted" markaziy himoyachisi Xarri Maguayr Pol Pogbaning mankunianliklar klubidagi muvaffaqiyatsizliklar haqida gapirdi.

"Qizil iblislar" frantsiyalik yarim himoyachini 2016 yilning yozida "Yuventus"dan 105 mln evroga sotib olgandi - bugungi kungacha ingliz grandining tarixdagi eng qimmat transfer. Futbolchi umidlarni oqlamadi va olti yildan so'ng "Yuventus"ga erkin agent sifatida qaytdi.

"Pogbadan kutilgan natijalar aql bovar qilmas darajada edi, u bu borada hech narsa qila olmasdi. Undan har bir o'yinda eng yaxshi bo'lishni talab qilishardi - aks holda uni shunchaki yo'q qilishardi. U ajoyib o'yinchi edi, unda hamma narsa bor edi," - deya Maguayrning so'zlarini keltiradi The Touchline.

Bu yil yozda Pol Pogba antidoping qoidalarini buzgani uchun diskvalifikatsiya muddatini o'tab yana maydonga qaytdi va "Monako" bilan shartnoma imzoladi.