"Inter"ning sobiq hujumchisi Marko Arnautovich faoliyatini Serbiyada davom ettiradi. Mozzart Sport xabariga ko'ra, 36 yoshli avstriyalik futbolchi "Tsrvena Zvezda" bilan muzokaralar olib bormoqda, ular futbolchiga 2 yillik shartnoma taklif qilishgan.

1 iyul kuni Arnautovich "Inter" bilan shartnomasi tugaganidan keyin erkin agentga aylandi. Hujumchi bungacha "Bolonya", "Vest Xem", "Stok Siti", "Verder" va "Tvente" klublarida to'p tepgan.

2024/25 yilgi mavsumda Arnautovich barcha musobaqalarda 28 ta o'yinda maydonga tushib, 7 ta gol urdi va 2 ta golli uzatmani amalga oshirdi.