"Inter Mayami" ikkita muhim kelishuvni amalga oshirishga tayyorlanmoqda. Insayder Fabritsio Romanoning xabar berishicha, yarim himoyachi Rodrigo de Paulning Madridning "Atletiko" klubidan transferi 85 foizga yakunlangan - faqat bir nechta detallarni hal qilish qolgan. Floridaliklar ikki katta yangilikni e'lon qilishni rejalashtirmoqda: de Paulning kelishi haqidagi xabar bilan birga Lionel Messi bilan shartnoma uzaytirilishi ham e'lon qilinadi.

Avvalroq, Rodrigo de Paul tezda "Inter Mayami"ga o'tishga rozilik bergani haqida xabarlar tarqalgandi - u Argentina terma jamoasidagi sherigi Messi bilan bir klubda o'ynamoqchi.

Lionel Messining amaldagi mehnat shartnomasi joriy yil oxirigacha mo'ljallangan.