Madridning "Real" klubi prezidenti Florentino Peres "qaymoqranglilar"ning yangi a'zosi Alvaro Karreras haqida gapirdi. Klub tarbiyalanuvchisi bo'lgan qanot himoyachisi "Real" bilan 2031 yilning 30 iyuniga qadar shartnoma imzoladi.

"Madridistlar", Alvaro Karreras - bizning futbolchimiz. U bizning qadriyatlarimizni biladi, talablar va bosimlarni biladi. Evropaning eng yaxshi himoyachilaridan biri yana klubimizga kelib qo'shildi," - deya Peresning so'zlarini keltiradi Madrid Universal.

Avvalroq, himoyachining transferi 50 mln evroga baholangani xabar qilingandi. U o'tgan yozda Angliyaning "Manchester Yunayted" klubidan 6 mln evro evaziga "Benfika"ga ko'chib o'tgan edi.