"Flamengo" "Roma"ning Uesli Frans bo'yicha taklifini rad etdi.

Insayder Fabritsio Romanoning yozishicha, braziliyaliklar himoyachini 22 million evroga sotishdan bosh tortgan. "Flamengo" 25 mln evro talab qilmoqda - "Zenit" Uesli uchun shuncha to'lashga tayyor edi. Eslatib o'tamiz, iyun oyida braziliyaliklar peterburgliklar taklifini rad etishgandi - klub 30 mln evro talab qilgani aytilgandi.

Qayd etilishicha, Uesli "Roma"ga o'tishni talab qilmoqda va allaqachon klub bilan kelishuvga erishgan.