So'nggi soatlarda matbuotda Viktor Dyokereshning "Manchester Yunayted"ga ehtimoliy transferi muhokama qilinmoqda. "Qizil iblislar" "Arsenal"ning 27 yoshli shvetsiyalik futbolchi bo'yicha taklifini sindirib, futbolchi uchun kurashda londonliklarni ortda qoldirishga tayyor. Biroq, Dyokeresh hamon "Sporting"dan "Arsenal"ga o'tishga harakat qilmoqda.

"Dyokeresh o'zining aniq pozitsiyasini saqlab qolmoqda: u "Manchester Yunayted" va boshqa klublar bilan aloqador bo'lishiga qaramay, "Arsenal"ga o'tmoqchi," - deb yozdi ijtimoiy tarmoqlarda ishonchli insayder Fabritsio Romano.

Qayd etilishicha, 27 yoshli Dyokeresh uchun iyun oyidan buyon "Arsenal" loyihasi asosiy ustuvor yo'nalish bo'lib kelmoqda.