Entoni Elanga Aleksandr Isakni dunyodagi eng zo'r hujumchi deb ta'rifladi.

Elanga va Isak Shvetsiya milliy terma jamoasida to'p tepadi. "Nyukasl" hujumchisiga "Liverpul" va "Al-Hilol" klublari qiziqish bildirayotgani haqida xabarlar tarqalgandi.

"Aleks kabi yuqori darajadagi futbolchilar atrofida doimo shov-shuv bo'ladi. Ammo u hozirda "Nyukasl" o'yinchisi bo'lgani uchun doimo juda e'tiborli.

Menimcha, u dunyodagi eng yaxshi hujumchi, shu bilan birga, men har doim ishonch bildira oladigan va maslahat so'ray oladigan ajoyib inson. U doimo menga yordam berishga tayyor va men undan juda minnatdorman," - dedi o'tgan hafta "Nottingem Forest"dan 55 million funt sterlingga o'tgan "Nyukasl"ning yangi yarim himoyachisi.