"Nyukasl"ning o'ng qanot vingeri Entoni Elanga jamoa forvardi Aleksandr Isak haqida fikr bildirdi.

"Aleksdek darajadagi futbolchi atrofida doim shov-shuv bo'ladi. Ammo u har doim maksimal darajada diqqatini jamlagan holda qoladi.

Har safar Aleks bilan suhbatlashganimda, u doim ijobiy kayfiyatda bo'ladi. Uning mashg'ulotlarda ko'rsatadigan kontsentratsiya darajasi aql bovar qilmaydigan narsa. U bilan birga mashq qilishni davom ettirish imkoniyatini sabrsizlik bilan kutmoqdaman.

Menimcha, u - dunyoning eng yaxshi hujumchisi. Buning ustiga u ajoyib inson, men har doim undan maslahat so'rashim mumkin. U har doim yordam berishga tayyor. Men uni juda qadrlayman.

Uning klubda bo'lishi fantastika. Albatta, u "Nyukasl"ga o'tish qarorimga ta'sir ko'rsatdi, ammo boshqa futbolchilar ham muhim rol o'ynadi," - dedi Elanga.

Eslatib o'tamiz, 11 iyul kuni "Nyukasl" Elanga bilan shartnoma imzolagan edi.