Diego Simeone "Atletiko"da "toshbaqalar"ni ko'rishni istamasligini aytdi.

"Mundo Deportivo" nashrining ma'lum qilishicha, jamoaning juma kungi mashg'ulotlarida bosh murabbiy bir necha bor mashg'ulotlarni to'xtatib, texnik jihatlarga tuzatishlar kiritgan.

- Menga toshbaqalar kerak emas! Tezroq, tezroq, tezroq uzatamiz! - deb qichqirdi Simeone o'yinchilarga.

Argentinalik mutaxassis, shuningdek, pressing, raqiblar uchun bo'sh zonalar ochib qo'ymaslik bo'yicha ko'rsatmalar bergan.

"Agar biz to'rt metr masofani ushlab tursak, u xotirjamlik bilan burilib, zarba beradi. Yaqinroq, yaqinroq, yaqinroq! - deya tushuntirardi Simeone.