"Barselona" rahbariyati agentini almashtirgan jamoa yarim himoyachisi Frenki de Yong bilan shartnomani uzaytirmoqchi. Bu haqda jurnalist Fernando Polo ma'lum qildi.

Manbaga ko'ra, de Yong yakshanba kuni "Barselona" qarorgohiga qaytadi. U qaytishi bilanoq klub sport direktori Deku futbolchi bilan mehnat shartnomasini uzaytirish bo'yicha yangi muzokaralar o'tkazmoqchi. Ta'kidlanishicha, "ko'k-anorranglilar" prezidenti Joan Laporta ham De Yong bilan shartnomani uzaytirishni qo'llab-quvvatlamoqda.

De Yong "Barselona" safida 2019 yildan buyon to'p tepib kelmoqda. O'tgan mavsumda 28 yoshli xavbek barcha musobaqalarda 46 ta o'yinda maydonga tushib, 2 ta gol urdi va 2 ta assistni o'z hisobiga yozdirib qo'ydi.