"Benfika" huquqlari "Chelsi"ga tegishli bo'lgan hujumchi Joau Feliksning qaytishiga qiziqish bildirmoqda.

25 yoshli futbolchi yaqinda aytib o'tgan Lissabon klubiga o'tish imkoniyatini jiddiy o'ylamoqda. A Bola xabariga ko'ra, "Benfika" "Chelsi"ga Feliksning transferi uchun 30 million evro taklif qilishga tayyor, biroq forvardning maoshi jiddiy muammo bo'lib qolmoqda va bu Portugaliya klubida yiliga 4 million evro belgilangan chegaradan sezilarli darajada oshib ketadi.

"Chelsi" Joau Feliksni o'tgan yozda "Atletiko"dan 50 million evrodan ko'proq evaziga sotib olgandi. Futbolchi mavsumning ikkinchi yarmini ijara asosida "Milan"da o'tkazdi.