"Arsenal" va "Sporting" o'rtasida hujumchi Viktor Dyokeresh transferi bo'yicha muzokaralar davom etmoqda, ammo hozircha muvaffaqiyatsiz.

London klubi 63,5 million evroni qat'iy summa sifatida va yana 10 millionini bonuslar ko'rinishida taklif qilgan, ammo lissabonliklar to'lovlarning alohida shartlarini talab qilmoqda. Daily Record xabariga ko'ra, "Sporting" bonus to'lovlarini aniq yutuqlarga bog'lamoqchi: shvetsiyalik hujumchi "Arsenal" uchun 20, 40 va 60-o'yinlarni o'tkazganidan keyin 2,5 million evrodan, shuningdek, agar jamoa Chempionlar ligasiga chiqsa, yana 2,5 million evro olmoqchi.

Bundan tashqari, lissabonliklar "Arsenal"ning 63,5 million evro miqdoridagi qat'iy summani to'rtta to'lovga bo'lish taklifiga rozi bo'lishga tayyor emas. Muddatli to'lov amalga oshirilgan taqdirda, "Sporting" 1,2 million evro miqdorida qo'shimcha to'lovni talab qiladi.

27 yoshli Viktor Dyokeresh bu yozda "kanonirlar"ning asosiy nishonlaridan biriga aylandi, biroq bitim tuzilmasi asosiy to'siq bo'lib qolmoqda.