Jurnalist Sasha Tavolerining ma'lum qilishicha, "Sanderlend" "Lion" hujumchisi Jorj Mikautadze uchun kurashdan chiqib ketadi. Ingliz klubi haqiqatan ham gruziyalik futbolchini o'z safiga qo'shib olishni istadi va hatto frantsiyaliklarga murojaat qilib, transfer imkoniyatini muhokama qildi.

Biroq "Lion" belgilagan boshlang'ich narx "qora mushuklar" uchun juda qimmatlik qildi. Tavoleriga ko'ra, "Sanderlend"ning hujumchi pozitsiyasi uchun byudjeti 20 million evroni tashkil etadi, "Lion" esa 30 milliondan boshlanadigan takliflarni ko'rib chiqishga tayyor.

Yaqinda DNCG "Lion"ni Liga 2ga tushirish haqidagi qarorini bekor qilgani frantsuz klubining mavqeini oshirdi. Garchi "to'quvchilar" hali ham ushbu transfer oynasida sotuvlarga muhtoj va tejamkorlik sharoitida ishlayotgan bo'lsa-da, ular endi quyi divizionga tushib ketish ehtimoli bo'yicha bosimsiz muzokaralar olib borishlari mumkin.

Eslatib o'tamiz, Mikautadze 2024/25 yilgi mavsumda "Lion" safida barcha musobaqalarda 47 ta o'yinda maydonga tushib, 17 ta gol urgan va 11 ta golli uzatmani amalga oshirgan.