"Manchester Yunayted" bosh murabbiyi Ruben Amorim "Vest Xem"ga qarshi mavsumoldi o'yinida hujumchi Rasmus Xyoylundning harakatlaridan mamnun.

Uchrashuv shanbadan yakshanbaga o'tar kechasi bo'lib o'tdi va "qizil iblislar"ning 2:1 hisobidagi g'alabasi bilan yakunlandi. Mankunianliklar sardori Brunu Fernandesh dubl qayd etdi. Daniyalik hujumchi o'yinni asosiy tarkibda boshladi va 66-daqiqagacha o'ynadi.

"Menga Rasmusning o'yini juda yoqdi: uning yugurishi, yakkakurashlarda ishtiroki, jamoadoshlari bilan o'zaro munosabati. U ajoyib ish qildi," - dedi portugaliyalik mutaxassis matbuot anjumanida.

Rasmus Xyoylund Premer-liganing o'tgan mavsumida 32 ta o'yinda 4 ta gol urgan.