"Manchester Yunayted" bosh murabbiyi Ruben Amorim mankunianliklarning so'nggi transferlariga izoh berdi. Ingliz klubi tarkibi kecha "RB Leyptsig"dan kelgan Benyamin Sheshko bilan to'ldirildi.

"Unda bizga kerak bo'lgan barcha xususiyatlar bor. U juda yosh. U havoda yaxshi o'ynaydi, zonalarga yorib kiradi va to'p bilan muomala qiladi. Uning salohiyati katta deb o'ylayman. O'ylaymanki, u sezilarli darajada yaxshilanishi mumkin va, shubhasiz, klubimizda o'zini o'z uyidagidek his qiladi," - dedi Amorim.

Murabbiyning qo'shimcha qilishicha, Sheshko "Manchester Yunayted"ga mos xarakterga ega.