"Atalanta" A Seriya to'purarini Yaqin Sharqqa sotadi.

Insayder Janluka Di Martsioning yozishicha, "Al-Qodisiya" Mateo Retegi transferi bo'yicha 68 mln evroga kelishib olgan. Futbolchiga yiliga 16 million evro va mukofot sifatida 3 million taklif qilingan, shartnoma esa 4 mavsumga mo'ljallangan.

Qayd etilishicha, tomonlar so'nggi tafsilotlarni hal qilishlari, bank kafolatlarini olishlari va boshqa rasmiyatchiliklarni hal qilishlari kerak.