«Atalanta» A seriyada eng ko'p gol urgan jamoaga aylandi va 5-o'ringa ko'tarildi

Italiya chempionatida 30-tur o'yinlari yakuniga etdi. Ushbu turdan keyin "Atalanta" klubi A seriyada eng ko'p gol urgan jamoaga aylanib oldi.

Atalantaliklar o'z maydonlarida "Bolonya"ni qabul qilib, 4:1 hisobida g'alaba qozonishdi. E'tiborli tomoni, mezbonlar dastlabki 15 daqiqa ichida mehmonlar darvozasiga 4ta gol urib bo'lgandi. Natijada klub o'z ochkolarini 51taga etkazib, 5-pog'onaga ko'tarilib oldi. Jamoa 4-o'rindagi "Milan"dan bor-yo'g'i bir ochko ortda qolmoqda. Klub urilgan gollar soni (64) bo'yicha "Yuventus"dan (62) ham o'tib ketdi. Faqat "Atalanta" klubi o'tkazib yuborilgan gollar soni bo'yicha maqtana olmaydi. Jamoa hujumchisi Duvan Sapata esa 20ta gol bilan Krishtianu Ronalduni ortda qoldirgancha, A seriya to'purarlari ro'yxatida 2-o'ringa chiqib oldi.

"Sassuolo" esa o'z uyida "Kevo"ni kichik hisobda mag'lub etdi. Natijada kvoliklar A seriyani tark etishi deyarli hal bo'lib qoldi.

Italiya chempionati, 30-tur
Sassuolo – Kevo 4:0 (2:0, 2:0)
Gollar: 1:0 – 4 Demiral, 2:0 – 45 Demiral, 3:0 – 47 Lokatelli, 4:0 – 57 Berardi.
Sassuolo – Konsili, Lirola, Demiral, Ferrari, Peluzo (Rojerio, 76), Manyanelli, Berardi, Burabiya, Lokatelli (Dankan, 67), Boga (Di Franchesko, 84), El-Babakar.
Kevo – Sorrentino, Bani, Tsesar, Barba, Leris, Xetemay (Diusse, 56), Rigoni, Kiyine (Vignato, 56), Jakkerini, Puchcharelli (Pyazon, 69), Stempinski.
Ogohlantirishlar: Peluzo (31), Kiyine (33).

Atalanta – Bolonya 4:1 (4:0, 0:1)
Gollar: 1:0 – 3 Ilichich, 2:0 – 5 Ilichich, 3:0 – 9 Xatebur, 4:0 – 15 Sapata, 4:1 – 54 Orsolini.
Atalanta – Gollini, Manchini, Palomino, Masello, Xatebur, de Ron, Froyler (Pessina, 90), Gosens, Gomes (Pashalich, 46), Ilichich (Barrou, 63), Sapata.
Bolonya – Skorupski, Kalabrezi, Gonsales (Pas, 67), Voynovich, Kreychi, Donsa, Pulgar (Poli, 83), Nad, Orsolini, Falchinelli, Sansone (Valensiya, 63).
Ogohlantirishlar: Gonsales (51), Sapata (60), Kalabrezi (86), Valensiya (87), Xatebur (87).