«As-Sadd» Toshkentga Qatar chempioni sifatida tashrif buyuradi

Qatar chempionatining 21-turi doirasida «As-Sadd» o'z maydonida «Al-Ahli»ni qabul qilib, 7:2 hisobida g'alaba qozondi.

Shu tariqa, Xavi jamoadoshlari 54 ochko bilan chempionat tugashiga 1 tur qolganida Qatar chempionligini qo'lga kiritishdi. Ispaniyalik futbolchi ushbu mamlakatdagi 4 yillik faoliyati davomida ilk marta Qatar chempioni unvoniga ega bo'ldi.

Avvalroq 39 yoshli Xavi mazkur mavsum so'ngida futbolchilik faoliyatini yakunlashini ma'lum qilgandi.

"As-Sadd" 9 aprel kuni Osiyo chempionlar ligasi 3-turi doirasida Toshkentda "Paxtakor"ga qarshi bahs olib boradi.